ஆரோகணம் 35 லட்சத்தில் முடிந்த கதை! வெளிவந்த மர்மம்!!

அழகிய அம்மா நடிகையும், தற்போது ஆரோகணம் படம் மூலம் இயக்குநராகவும் ஆகிவிட்ட லக்ஷ்மி ராமகிருஷ்ணன் ரொம்பவும் விவரமாம்! அப்படித்தான் இந்த ஆரோ‌கணம் படத்தை வெறும் ரூ.35 லட்சத்தில் தனது வட்டத்தின் மூலம் முடித்துவிட்டு ரூ.1.5 கோடி செலவு செய்ததாக சொல்லி படத்தை தற்போது வாங்கி வெளியிடும் ஜெ.எஸ்.கே. பிலிம் கார்ப்பரேஷன், ஜெ.சதீஷ் குமாரிடம் தள்ளிவிட்டு செம துட்டு அடிக்க பார்த்திருக்கிறார்! ஏற்கனவே மெரினா அரவான் உள்ளிட்ட படங்களின் சில ஏரியாக்களை வாங்கி வியாபாரம் செய்தவர் சதீஷ் என்பதால் படு உஷாராக படத்தை போட்டு காட்டுங்கள்... அதன்பிறகு பிஸினஸ் பேசுவோம் என்று சதீஷ் திட்டவட்டமாக கூறிவிட லக்ஷ்மியும் படத்தை போட்டுகாட்டியிருக்கிறார். கருத்தான படம் என்றாலும் படத்திற்கு அவ்வளவு செலவு ஆகியிருக்காது என்பதை உணர்ந்த சதீஷ், உண்மையை சொல்லுங்கள், வவுச்சர், பில்கள் இத்யாதி, இத்யாதிகளை செட்டில் செய்யுங்கள் எனக்கூற அதன்பிறகு தான் ரூ.35 லட்சம் தான் செலவு எனும் உண்மை வெளிவந்திருக்கிறது. அதன்பின் ரூ.45 லகரங்கள் கொடுத்து படத்தை வாங்கிய சதீஷ், சுமார் ஒரு கோடிக்கு பப்ளிசிட்டு செய்து படத்தை ரிலீஸ் செய்ய இருக்கும் ஜெ.எஸ்.கே.சதீஷ், அதன் தொடக்கமாக சமீபத்தில் பிரம்மாண்ட ஆடியோ ரிலீஸூம் செய்திருக்கிறார் ஆரோகணத்திற்கு! ஆக மொத்தத்தில் ரூ.1.5 கோடி. அப்படித்தானே லட்சுமி...?

இதுவே செம ஸ்டோரியா இருக்கும் போல...?!!