இந்தியில் ரீமேக் ஆகிறது லிங்குசாமியின் வேட்டை!

தமிழில் மாதவன், ஆர்யா, சமீராரெட்டி, அமலாபால் நடித்த வேட்டை படம் இந்தியிலும் ரீமேக் ஆகவிருக்கிறது. இந்த தகவலை டைரக்டர் லிங்குசாமியே வெளியிட்டுள்ளார்.

லிங்குசாமி அளித்துள்ள பேட்டியில், வேட்டை திரைப்படம் இந்தியில் ரீமேக் ஆகிறது. அதனை நான்தான் இயக்குகிறேன். இதுவரை மட்டுமே முடிவு செய்யப்பட்டுள்ளது. மற்ற விஷயங்கள் குறித்த பேசி முடிவெடுக்க இன்னும் ஓரிரு நாட்களில் நான் மும்பை செல்லவிருக்கிறேன். அதன் பிறகுதான் மற்ற விஷயங்கள் தெரிய வரும், என்று கூறியுள்ளார்.

தற்போது தமிழில் விஷாலுக்கு இரண்டு கதைகளை தயாராக வைத்திருப்பதாக கூறியிருக்கும் லிங்குசாமி, தங்களது தயாரிப்பில் உருவாகியுள்ள வழக்கு எண் 18/9 படம் விரைவில் வெளியாக இருப்பதாகவும் பேட்டியில் கூறியிருக்கிறார்.