நோக்கியா 206 விற்பனைக்கு வந்தது

சென்ற நவம்பர் மாதம் அறிவிக்கப்பட்ட நோக்கியா 206 மொபைல் போன் தற்போது விற்பனைக்கு வந்துள்ளது. இதன் அதிகபட்ச விலை ரூ.3,599. இதன் திரை 2.5 அங்குல அகலம் கொண்டது. டிஸ்பிளே திறன் 240 x 320 பிக்ஸெல்களாக உள்ளது. நோக்கியா சீரிஸ் 40 ஆப்பரேட்டிங் சிஸ்டத்தில் போன் இயங்குகிறது. இரண்டு சிம்களும் ஒரே நேரத்தில் இயங்கும் வகையில் அமைக்கப் பட்டுள்ளன. இதன் தடிமன் 12.4 மிமீ. எடை 91 கிராம். இதன் கீகள் 5 வழி ஸ்குரோலிங் வகையில் அமைக்கப்பட்டுள்ளன. நோக்கியா எக்ஸ்பிரஸ் பிரவுசர், நோக்கியா ஸ்லாம், பேஸ்புக் மற்றும் ட்விட்டர் ஆகியவற்றுக்கான கீகள் தரப்பட்டுள்ளன. 1.3 எம்.பி. திறன் கொண்ட கேமரா, விஜிஏ வீடியோவினைப் பதிவு செய்கிறது. 3.5 மிமீ ஆடியோ ஜாக், ஸ்டீரியோ எப்.எம். ரேடியோ, 32 ஜிபி வரை மெமரி அதிகப்படுத்த மைக்ரோ எஸ்.டி. ஸ்லாட், 2ஜி ஜி.பி.ஆர்.எஸ்., எட்ஜ் மற்றும் புளுடூத் தொழில் நுட்ப வசதி கொண்டுள்ளது. இதன் பேட்டரி 1110 mAh திறன் கொண்டதாக அமைக்கப்பட்டுள்ளது. மூன்று வண்ணங்களில் இது கிடைக்கிறது.