நிட் சிட்டி லயன்ஸ் கிளப் நிர்வாகிகள் பதவியேற்பு

திருப்பூர் : திருப்பூர் நிட் சிட்டி லயன்ஸ் கிளப் புதிய நிர்வாகிகள் பதவியேற்பு விழா, இடுவம்பாளையம் டெக்பா அரங்கில் நடந்தது.முன்னாள் மாவட்ட கவர்னர் பழனிச்சாமி, புதிய தலைவர் மணிவண்ணனுக்கு பதவி பிரமாணம் செய்து வைத்தார். செயலாளர்களாக சுரேஷ், பங்கஜாசன், பொருளாளராக பிரகாஷ் ஆகியோர் பதவியேற்றனர்.மாவட்ட இரண்டாம் நிலை துணை கவர்னர் ஆறுமுகமணி, புதிய உறுப்பினர்களை லயன்ஸ் கிளப் உறுப்பினர்களாக இணைத்தார்.ராமலிங்கம், கோபாலகிருஷ்ணன் ஆகியோர் சிறப்புரையாற்றினர். காபினட் செயலாளர் ராஜசேகர், மண்டல தலைவர் மயில்சாமி, வட்டார தலைவர் சசிக்குமார், லயன்ஸ் மின் மயான அறக்கட்டளை தலைவர் கந்தசாமி, டாக்டர் செல்வராஜ், மாவட்ட தலைவர் பிரகாஷ் ஆகியோர் வாழ்த்தினர்.டயபடிக் சென்டர் செயல்பாட்டுக்காக ஒரு லட்சம் ரூபாய் வழங்கப்பட்டது. திருப்பூர் குமரன் மகளிர் கல்லூரிக்கு ரூ.50 ஆயிரம் மதிப்பில் ஆர்.ஓ., வாட்டர் பிளான்ட் வழங்கப்பட்டது.ஜெய்வாபாய் மாநகராட்சி பெண்கள் மேல்நிலைப்பள்ளி மாணவியர் 75 பேருக்கு சீருடை வழங்கப்பட்டது. மீனாள் என்ற மாணவிக்கு ரூ.15 ஆயிரத்து 600 உதவித்தொகை வழங்கப்பட்டது.பொருளாளர் பிரகாஷ் நன்றி கூறினார்.