பிரிமியர் டென்னிஸ்: சானியா ஜோடி தோல்வி

கார்லஸ்பாட்:பிரிமியர் டென்னிஸ் தொடரின் முதல் சுற்றில் இந்தியாவின் சானியா மிர்சா, பெத்தானி மெடக்(அமெரிக்கா) ஜோடி தோல்வியடைந்தது.அமெரிக்காவில் நடந்து வரும் இத்தொடரின் முதல் சுற்றில் சானியா, பெத்தானி ஜோடி, சீன தைபேயின் ஹோ-சிங் சான், யாங்-ஜான் சென் ஜோடியை சந்தித்தது. முதல் செட்டை சானியா ஜோடி 7-5 என வென்றது. இரண்டாம் செட்டை 4-6 என இழந்தது. பின் சூப்பர் டைபிரேக்கரிலும் 5-10 என கோட்டை விட்டது. முடிவில் சானியா, பெத்தானி ஜோடி 7-5, 4-6, 5-10 என்ற செட் கணக்கில் தோல்வி அடைந்தது.இது லண்டன் ஒலிம்பிக்கிற்கு முன் சானியா பங்கேற்ற கடைசி போட்டியாக அமைந்தது. இதில் விரைவாக வெளியேறி ஏமாற்றம் அளித்துள்ளார்.