தமுக்கம் "மதுரை விழாவில்' நவதானிய கோலப்போட்டி

மதுரை :மதுரை தமுக்கம் மைதானத்தில் நடந்து வரும், மதுரை விழா 2012ல் நவதானிய கோலப்போட்டியில் பங்கேற்றோரின் படைப்புகள் பலரையும் கவர்ந்தன.
பிப்.,24ல் தொடங்கிய மதுரை விழாவின் நேற்றைய நிகழ்ச்சியில், பழங்கால மதுரையின் மாதிரி கிராமம், கலாச்சார வீதி, பாரம்பரிய வீரவிளையாட்டு மற்றும் கிராமிய உணவுத்திருவிழா, மரபுவழி விளையாட்டுகள், தெருக்கூத்து மற்றும் இசைக்கலைஞர்கள், கைவினை பொருட்கள் கண்காட்சி, சிறுதொழில் முன்னேற்ற பயிற்சிகள் அளிக்கப்பட்டன.
நவதானியகோலப்போட்டி மற்றும் சமையல் போட்டி பார்வையாளர்களை வெகுவாக
கவர்ந்தது. இன்று காலை 10 மணி முதல் இரவு 7 மணி வரை நிகழ்ச்சி நடக்கிறது. பல்வேறு கலை நிகழ்ச்சிகள் நடக்க உள்ளன.
நுழைவு கட்டணம் ரூ.20. ஏற்பாடுகளை, இந்திய தொழில் கூட்டமைப்பினர் செய்து வருகின்றனர்.