உள்ளாட்சி அமைச்சரின் நேரடி ஆய்வு ரத்து

நெல்லை : தமிழக உள்ளாட்சி துறை அமைச்சர் கே.பி.முனுசாமி தமிழகம் முழுவதும் உள்ளாட்சித்துறை அமைப்புக்கள் மற்றும் வளர்ச்சி திட்டப் பணிகளை நேரடியாக ஆய்வு செய்து வருகிறார். இந்நிலையில் இன்று காலை நெல்லை, தூத்துக்குடி, விருதுநகர் மற்றும் கன்னியாகுமரி மாவட்டங்களைச் சேர்ந்த உள்ளாட்சி துறை அதிகாரிகளுடன் நெல்லையில் ஆலோசனை நடத்தினார். இக்கூட்டத்தில் நெல்லை மாவட்ட அமைச்சர் செந்தூர் பாண்டியனும் கலந்து கொண்டார். இந்த ஆலோசனை கூட்டத்திற்கு பிறகு அமைச்சர் முனுசாமி, உரப்பநாடு குடிநீர் திட்டம் உள்ளிட்ட உள்ளாட்சிதுறை பணிகளை நேரடியாக சென்று ஆய்வு செய்ய இருந்தார். இருப்பினும் முன்னறிப்பின்றி அமைச்சர் ஆய்வு செய்வதற்கு பல்வேறு மாவட்டங்களில் எதிர்ப்பு எழுந்ததை அடுத்து நெல்லையில் தனது நேரடி ஆய்வு பயணத்தை அமைச்சர் முனுசாமி ரத்து செய்துள்ளார்.