வாழைப் பழ உணவுத் திருவிழா

கோவை :ஏ.ஜே.கே., கலை அறிவியல் கல்லூரி சார்பில், வாழைப் பழ உணவுத் திருவிழா, கோவையில் இன்று நடக்கிறது.
ஏ.ஜே.கே., கலை அறிவியல் கல்லூரி அறிக்கை:
கல்லூரி உணவு மற்றும் விடுதி மேலாண்மை துறை சார்பில், வாழைப் பழ திருவிழா 2012, பீளமேடு கொடிசியா தொழிற்காட்சி வளாகம், இ ஹாலில், மாலை 5.30 மணிக்கு நடக்கிறது. இதில், வாழையின் பகுதிகளான வாழைத்தண்டு, பூ, காய், பழம் உள்ளிட்டவற்றை பயன்படுத்தி வாழைப்பூ பிரியாணி, வடை, பீசா, பர்பர், பனானா கேக், வாழைப்பழ தோசை, இட்லி உள்ளிட்ட 100 வகையான உணவு பொருட்களை மாணவ, மாணவியர் தயாரிக்கின்றனர்.
இதன் ஒருபகுதியாக, கல்லூரி ஆடை வடிமைப்புத் துறை மாணவ, மாணவியரின் ஆடை அலங்கார அணிவகுப்பு நிகழ்ச்சியும் நடக்கிறது; நுழைவு கட்டணம் 20 ரூபாய். விபரங்களுக்கு, 98430 47949 என்ற மொபைல் எண்ணில் தொடர்பு கொள்ளலாம். இவ்வாறு, அறிக்கையில் தெரிவிக்கப்பட்டுள்ளது.