ஹெட்லி மீதான வழக்கில் இன்று தண்டனை

சிகாகோ: மும்பை தாக்குதலுக்கு, சதித் திட்டம் தீட்டிக் கொடுத்த, லஷ்கர் -இ- தொய்பா பயங்கரவாதி டேவிட் கோல்மேன் ஹெட்லிக்கு இன்று தண்டனை அறிவிக்கஉள்ளது.
மும்பையில், 2008, நவம்பரில், தாக்குதல் நடத்திய, அஜ்மல் கசாப்புக்கு, கடந்த ஆண்டு, மரண தண்டனை நிறைவேற்றப்பட்டது. இந்த தாக்குதலுக்கு சதித் திட்டம் தீட்டிக் கொடுத்தவர், அமெரிக்க வாழ் பாகிஸ்தானியரான ஹெட்லி. மும்பை தாக்குதலில் பலியான, 166 பேரில், ஆறு பேர் அமெரிக்கர்கள். பலியானவர்களின் உறவினர்கள், இது தொடர்பாக, அமெரிக்க கோர்ட்டில் வழக்கு தொடர்ந்தனர். இதையடுத்து, அமெரிக்க போலீசார், சிகாகோ நகரில், ஹெட்லியையும், அவரது கூட்டாளி ராணாவும்கைது செய்யப்பட்டனர்.
மும்பை தாக்குதலுக்கு சதித் திட்டம் தீட்டிக் கொடுத்ததை, ஹெட்லி ஒப்புக் கொண்டதால், அவருக்கு மரண தண்டனையிலிருந்து விலக்கு அளிக்கப் பட்டுள்ளது. இந்நிலையில்சிகாகோ கோர்ட், அவருக்கு இன்று தண்டனை அறிவிக்க உள்ளது. அவருக்கு, 35 ஆண்டு சிறை தண்டனை அளிக்க, அரசு தரப்பில் கோரப்பட்டுள்ளது.